Deputetja e Kuvendit të Kosovës nga radhët e komunitetit boshnjak, Duda Balje, ka qenë e pranishme në marshin e organizuar nga platforma “Liria ka Emër”, në mbështetje të ish-krerëve të UÇK-së që po mbahen në Hagë.
Këtë e bëri të ditur Balje, duke postuar disa foto në llogarinë e saj në Facebook.
Gjithashtu, pjesëmarrës ka qenë edhe deputeti i Kuvendit të Kosovës nga Partia Demokratike Turke e Kosovës (KDTP), Enis Kervan.
Ndërsa, ideatorët e platformës “Liria Ka Emër”, Ismail Tasholli dhe Eliza Hoxha, kanë falënderuar të gjithë qytetarët që në mënyrë masive i janë përgjigjur thirrjes për të marshuar për drejtësi për ish-krerët e UÇK-së që po mbahen padrejtësisht në Hagë, Hashim Thaçi, Kadri Veseli, Jakup Krasniqi, Rexhep Selimi dhe bashkëluftëtarët e tyre.