Të martën, në Qendrën Klinike Universitare të Kosovës (QKUK), dy persona janë sulmuar nga qentë endacakë. Sulmet kanë ndodhur pranë Klinikës së Ortopedisë, ku një qytetar u sulmua në orët e paradites, ndërsa një teknik i Klinikës së Radiologjisë u sulmua në orët e pasdites.
Sipas gazetarit Bujar Vitija, të dy personat kanë pësuar lëndime si pasojë e tentativave për t’iu shpëtuar sulmeve të qenve.
“Sot janë sulmuar dy persona nga qentë endacakë në QKUK, në afërsi të Klinikës së Ortopedisë. Paradite një qytetar dhe pasdite një teknike e Klinikes se Radiologjisë e cila ishte duke shkuar ne Ortopedi për te kryer pune. Te dy me lëndime nga kafshimet e qenve dhe nga përpjekja për të ikur.
E tmerrshme me pa kësi pamje. Komuna e Prishtinës, por edhe niveli qendror, duhet përfundimisht me bo një zgjidhje për këtë çështja sa nuk ka pësuar dikush me jetë”, ka shkruar Vitija teksa ka shpërndarë edhe foto nga dy rastet.