Dy persona janë lënduar pas shpërthimit të një granate dore në afërsi të një hoteli në Mitrovicë të Veriut, në rrugën Knjaz Millosh të hënën në mbrëmje.
Zëvendësdrejtori i Policisë për Veri, Veton Elshani, ka konfirmuar lajmin për Dukagjinin, dhe ka bërë të ditur se nga shpërthimi janë dëmtuar shtatë vetura, ndërsa, janë lënduar dy persona, prej tyre njëri me lëndime më të rënda, por jashtë rrezikut për jetë.
Policia gjendet në vendin e ngjarjes.
“Rreth ores 23:50 dyshohet se ka shperthyer nje granate dore te hoteli Bisevac ne rr. Knjaz Millosh Mitrovice Veri si pasoj e shperthimit jan demtuar 7 vetura dhe dy persona jane lenduar njeri ka lendime me te renda por jashtë rrexikut për jetë. Njësit policore relevante janë në vendin e ngjarjes dhe po merren me rastin”, ka thënë Elshani për Dukagjinin.