Është arrestuar një burrë kosovar nën dyshimin se i njëjti ka shtënë me armë zjarri në drejtim të një burri duke e plagosur atë.
Sipas raportit 24-orësh të Policisë së Kosovës, nga i dyshuari është konfiskuar një armë, gjersa rasti është cilësuar si “vrasje në tentativë”.
“VRASJE NË TENTATIVË/Gjakovë 25.05.2023 – 12:21. Është arrestuar i dyshuari mashkull kosovar nën dyshimin se ka shtënë me armë zjarri në drejtim të viktimës mashkull, duke e plagosur. Nga i dyshuari është konfiskuar arma e cila dyshohet se është përdorur në rast”, thuhet në raport.
Ndërkaq, bëhet e ditur se viktima është dërguar në spital për tretman mjekësor.
Me vendim të prokurorit, i dyshuari është dërguar në mbajtje, thuhet në raport.