Fajon viziton Kosovën, pritet të takohet me Osmanin dhe Konjufcën

Kryediplomatja sllovene, të hënën e 16 janarit, pritet të takohet me presidenten e Kosovës, Vjosa Osmani dhe kryetarin e Kuvendit, Glauk Konjufca

Ministrja e Punëve të Jashtme të Sllovenisë, Tanja Fajon

Zëvendëskryeministrja dhe ministrja e Jashtme e Sllovenisë, Tanja Fajon, të hënën e 16 janarit, do ta nisë vizitën e saj zyrtare në Kosovë.

Ministria e Punëve të Jashtme e Republikës së Kosovës ka njoftuar se kryediplomatja kosovare, Donika Gërvalla, e ka pritur homologen e saj sllovene, të dielën e 15 janarit.

Fajon, fillimisht, do të ketë takim me presidenten e Kosovës, Vjosa Osmani.

“Në orën 11:00, Presidentja e Republikës së Kosovës, Vjosa Osmani, pret në takim zëvendëskryeministren dhe ministren e Punëve të Jashtme të Sllovenisë, Tanja Fajon”, ka njoftuar zyra e Presidentes.

Pas takimit me Osmanin, kryediplomatja sllovene do të takohet me kryetarin e Kuvendit, Glauk Konjufca.

“Kryetari i Kuvendit të Republikës së Kosovës, Glauk Konjufca, pret në takim zëvendëskryeministren dhe ministren e Punëve të Jashtme të Sllovenisë, Tanja Fajon. Takimi mbahet në orën 13:40”, thuhej në njoftim.

Kryediplomatja sllovene, Tanja Fajon, javë më parë e ka përshëndetur arritjen e marrëveshjes për liberalizimin e vizave për Kosovën, në mes të Presidencës së Këshillit të Bashkimit Evropian dhe Parlamentit Evropian.

Fajon, përmes një postimi në Twitter, ka thënë se kjo çështje e liberalizimit të vizave ishte rrugë e gjatë, por e merituar.

“Ishte një rrugë e gjatë, por ne ia dolëm! Liberalizimi i vizave ishte qëllimi i shumëpritur. Jam i kënaqur që qytetarët së shpejti do të gëzojnë përfitimet e saj. E merituar. Do të përfitojnë njerëzit për kontaktet e njerëzve”, kishte shkruar Fajon.

Gërvalla e ka pritur ngrohtësisht homologen e saj sllovene Tanja Fajon

Shija e redaktorit

Shefja e katalunasve në Parlamentin e Spanjës: S’do të ndalemi...

Partia katalunase “Junts per Catalunya” kanë marrë një iniciativë në Parlamentin e Spanjës për t’i kërkuar Qeverisë së Spanjës njohjen e pavarësisë së Kosovës...

Mark Rutte do të jetë në krye të NATO-s

Mark Rutte do të jetë sekretari i ardhshëm i Përgjithshëm i NATO-s, pasi të 32 anëtarët e aleancës ranë dakord që kryeministri holandez në...

Nëna e Leotrimit: Djali im paska qenë i krejt Kosovës

Gjatë së martës, më 18 qershor, që shënonin 25-vjetorin e Ditës së Çlirimit të Skenderajt, është përuruar shtatorja Leotrim Ahmetit, 7-vjeçarit të vrarë gjatë...

Të fundit nga rubrika