Festivali i këngës për fëmijë “Lyra Fest”, në Gjakovë këtë vit do të mbajë edicionin e 16-të i cili është planifikuar të mbahet të shtunën e 19 nëntorit.
Në këtë edicion do të prezantohen 20 fëmijë me këngë të papublikuara më parë.
Ndërsa duke përfshirë edhe vitet paraprake numri i këngëve pjesëmarrëse ka arritur rreth 300, me autor të ndryshëm nga të gjitha trevat shqiptare.
Qëllimi i këtij festivali është të krijoj hapësirë për fëmijë të talentuar në këndim, për kompozitor, orkestrues dhe tekstshkrues.
“Lyra Fest” ka karakter garues, ku marrin pjesë fëmijët nga mosha 5 deri në 12 vjeç.
Ndryshe, festivali është themeluar në vitin 2007 nga OJQ “Neo Musica” në Gjakovë. Edicioni i parë i “Lyra Fest” është mbajtur më 27 Shtator 2007.