Edicioni i 22-të i Panairit të Librit në Kosovë ka filluar të martën e 7 qershorit dhe do të zgjasë deri më 12 qershor. Moto e këtij panairi do të jetë “Libri mbron mendjen”.
Ky edicion i Panairit është organizuar nga Shoqata e Botuesve të Kosovës, në ambientet e Pallatit të Rinisë.
Ky panair do të ketë 100 botues nga Kosova, Shqipëria dhe Maqedonia e Veriut me rreth 2 mijë tituj.
Në edicionin e 22-të të Panairit të Librit do të jenë të pranishëm botues, përkthyes të librave, profesionistë të librit dhe shkrimtarë kombëtarë e ndërkombëtarë.
Ceremonia e hapjes së panairit bëhet të martën e 7 qershorit, në orën 12:00.
Gjatë vitit 2020 dhe 2021, Panairi i Librit nuk është mbajtur për shkak të pandemisë COVID-19.
Javën e ardhshme mbahet Panairi i 22-të i Librit në Prishtinë