​FSK-ja largon 143 mjete shpërthyese nga lagjja “Dardania” në Pejë

Është bërë e ditur nga FSK-ja se 143 mjete shpërthyese janë larguar këtë të shtunë nga afërsia e nënstacionit elektrik “Peja 2” në lagjen “Dardania” në Pejë. Ndërsa, këto mjete që pritet të shkatërrohen kanë egzistuar që nga koha e Luftës së Parë Botërore

Foto nga vendi i ngjarjes, publikuar nga FSK-ja

Janë larguar 143 mjete shpërthyese nga afërsia e nënstacionit elektrik “Peja 2” në lagjen “Dardania” në Pejë.

Eliminimi i tyre është bërë nga ekipet për Eliminimin e Mjeteve të Pashpërthyera Eksplozive (EOD) të Forcës së Sigurisë së Kosovës, të asistuara nga Policia e Kosovës dhe ekipi i EOD-së së KFOR-it Zviceran.

“Ekipet e EOD-së të Forcës së Sigurisë së Kosovës të asistuara nga Policia e Kosovës dhe ekipi i EOD-së së KFOR-it Zvicrran kanë larguar 143 mjete shpërthyese nga afërsia e nënstacionit elektrik Peja 2 në lagjen Dardania në Pejë”, thuhet në njoftimin nga FSK-ja.

Foto nga mjetet shpërthyese

Ndërsa, operacioni kishte zgjatur dy ditë, por mbetjet e gjetura ishin aty që nga koha e Luftës së Parë Botërore të cilat, sipas FSK-së rrezikonin sigurinë e banorëve.

Foto nga mjetet shpërthyese

“Gjatë operacionit dy ditor janë larguar këto mbetje të rrezikshme që datonin që nga koha e Luftës së Parë Botërore të cilat rrezikonin sigurinë e banorëve. Mbetjet janë hasur gjatë punimeve për shtrimin e rrymës në​ lagje”, thuhet në njoftimin për media të FSK-së.

Po ashtu, bëhet e ditur se mjetet janë tërhequr në mënyrë të sigurt dhe do të shkatërrohen në mënyrë të kontrolluar ditëve në vijim në një zonë të sigurt.

Shija e redaktorit

Kosova një hap më afër anëtarësimit në Këshill të Evropës

Komiteti për Politikë dhe Demokraci i Këshillit të Evropës ka miratuar raportin e raportueses për Kosovën, Dora Bakoyannis, ku rekomandohet që shteti ka përmbushur...

Osmani: Historia e nënë Ferdonijes duhet të shërbejë si kujtesë...

Presidentja e Kosovës, Vjosa Osmani, ka folur mbi historinë e nënës Ferdonije Çerkezi, e cila ka humbur katër djemtë e saj dhe bashkëshortin gjatë...

Shqipëria performon më 9 maj në Eurovision

Festivali evropian i këngës "Eurovision" ka publikuar listat me shtetet që do të performojnë në dy gjysmëfinalet e këtij viti, më 7 dhe 9...

Të fundit nga rubrika