Gërvalla: Nuk e zbatojmë draftin e BE-së për Asociacionin

"Ne nuk e zbatojmë atë draft, që është në kuadër të procesit të Brukselit, pa u zotuar Serbia që edhe ajo të zbatojë pjesën e saj të punës. Prandaj duhet t’i ndajmë gjërat, ose po e trajtojmë Asociacionin në Bruksel, ose po e trajtojmë në Kosovë"

Ministrja e Punëve të Jashtme dhe Diasporës, Donika Gërvalla.

Kryediplomatja kosovare, Donika Gërvalla, ka thënë se Qeveria nuk do të zbatojë variantin e propozuar nga Bashkimi Evropian për themelimin e Asociacionit, nëse Serbia nuk zbaton detyrimet që rrjedhin nga marrëveshja e Brukselit.

Ose në Bruksel, ose në Prishtinë, ka thënë Gërvalla se duhet të trajtohet Asociacioni.

“Ne nuk e zbatojmë atë draft, që është në kuadër të procesit të Brukselit, pa u zotuar Serbia që edhe ajo të zbatojë pjesën e saj të punës. Prandaj duhet t’i ndajmë gjërat, ose po e trajtojmë Asociacionin në Bruksel, ose po e trajtojmë në Kosovë. Por dy proceset nuk mund t’i lidhim bashkë”, ka thënë Gërvalla në një intervistë për “Zërin e Amerikës”.

Gërvalla ka shtuar se në vjeshtën e kaluar, Qeveria dërgoi komentet e saj mbi këtë variant të BE-së, por deri tani nuk ka marrë përgjigje.

“Ai dokument në formën, që është dhe në suazat që është dorëzuar, nuk është në gjendje të dorëzohet nga ana jonë në Gjykatën Kushtetuese”.

Hap konkret me Asociaiconin me lidhje me Këshillin e Evropës nga Franca, Gjermania e Itali – mosdërgimi i draftit të BE-së në Gjykatën Kushtetuese, dështoi anëtarësimin e Kosovës në KiE, që ishte si hap konkret – e që për Gërvallën kërkesat e tyre janë të padrejta e të paarsyeshme.

“Të gjitha kërkesat e tjera janë politike, të cilat ne mendojmë se janë të padrejta dhe të paarsyeshme, sepse nëse Asambleja konstaton se janë përmbushur të gjitha kushtet, atëherë do të duhej të kishte njëfarë detyrimi edhe ndaj Këshillit Ministror për ta çuar më tej procedurën”, ka shtuar Gërvalla.

Shija e redaktorit

Nga sot shqiptarët udhëtojnë pa viza drejt Azerbajxhanit

Nga dita e sotme qytetarët e Shqipërisë me pasaporta të rregullta mund të udhëtojnë pa viza drejt Azerbajxhanit. Ambasadori i Azerbajxhanit në Shqipëri, Anar Huseynov...

Tre oficerë të FSK-së diplomojnë në Kolegjin CGSC të ushtrisë...

Oficerët e Forcës së Sigurisë së Kosovës(FSK), majorët Alban Bunjaku, Agron Murati dhe Alban Bujupi, pas studimeve njëvjeçare, diplomuan me sukses të lartë në...

Peja dhe Ulqini nënshkruajnë marrëveshjen e binjakëzimit si qytete

Kryetari i Pejës, Gazmend Muhaxheri ka pasur një mysafir të veçantë në zyrën e tij të shtunën. Ai priti me nderime kryetarin e Ulqinit, Genc...

Të fundit nga rubrika