Gjukanoviq: Demarkacioni midis Kosovës dhe Malit të Zi ka përfunduar më 2015

Demarkacioni ndërmjet Kosovës dhe Malit të Zi ka përfunduar në vitin 2015 dhe të dy vendet duhet të bëjnë hapa përpara në këtë drejtim për të mirën e qytetarëve.

Kështu kanë thënë zyrtarët nga kabineti i presidentit të Malit të Zi, Milo Gjukanoviq.

“Demarkacioni ndërmjet Malit të Zi dhe Kosovës u finalizua në vitin 2015. Marrëveshja hyri në fuqi në vitin 2018. Presidenti i Kosovës, Hashim Thaçi dhe ai malazez Filip Vujanoviq nënshkruan një deklaratë të përbashkët në shkurt 2018. Ata i bënë thirrje Kuvendit të Kosovës që ta ratifikojë këtë marrëveshje”, thuhet në përgjigjen e tyre për mediumin malazez, Vijesti.

Ndryshe, kryeministri i Kosovës, Albin Kurti, të hënën e 21 marsit, kishte thënë se shpreson që me qeverinë e re të shtetit fqinj, do të mund të adresojë çështjen e demarkacionit me Malin e Zi.

“Shpresojmë që do të ketë kushte të reja me qeverinë e re për ta trajtuar edhe këtë çështje, për të cilën, natyrisht, fajin e përgjegjësinë e ka ajo qeveria e atëhershme, e cila, padrejtësisht, gabimisht e shumë dëmshëm iu dha Malit të Zi 8200 hektarë të territorit të Kosovës”, ishte shprehur Kurti.

Ndërkaq, deklarata e tij u quajt provokim i papranueshëm nga kryeministri në ikje i Malit të Zi, Zdravko Krivokapiq.

Ai përmes një postimi në llogarinë e tij në Twitter, ka thënë se kjo gjë përbën aspiratë të rrezikshme për shkelje të integritetit territorial të Malit të Zi.

“Konsideroj se deklaratat e zotit Kurti, të cilat lajmërojnë për aspirata të rrezikshme për shkelje të integritetit territorial të Malit të Zi, janë provokim i papranueshëm”, ka shkruar ai.

Hedhja e gazit lotsjellës në kuvend

Më 21 mars 2018, deputetët e Kuvendit të Kosovës kishin miratuar marrëveshjen për Demarkacionin me Malin e Zi me 80 vota për dhe 11 kundër.

Procesi i demarkacionit me Malin e Zi ishte paraprirë me debate të mëdha, protesta e reagime të shumta.

Lëvizja Vetëvendosje, si parti opozitare, e kishin kundërshtuar ashpër këtë marrëveshje. Madje, deputetë të kësaj partie kishin hedhur gaz lotsjellës.

Ndryshe, marrëveshja për demarkacionin me Malin e Zi ishte nënshkruar në vitin 2015 në Vjenë të Austrisë dhe ka hyrë në fuqi më katër qershor të vitit 2019.

E njëjta ishte plotësuar edhe me një aneks-marrëveshje ndërmjet dy ish-presidentëve, atij të Kosovës Hashim Thaçi dhe të Malit të Zi, Filip Vujanoviq.

Në këtë marrëveshje të nënshkruar ndërmjet dy presidentëve, thuhej se pas ratifikimit të demarkacionit në Kuvendin e Kosovës, të dy vendet do ta rishikojnë vijën kufitare dhe do të bëhen korrigjime nëse ka pasur lëshime.

Shija e redaktorit

Këngët për nder të gjeniut Andy Warhol

Data e 6-gushtit shënon lindjen e një pop artisti si Andrew Warhol, arti i tij i  mrekullueshëm dhe idetë revolucionare të Warhol ishin padyshim...

“Film n’park”, tradita që i rikthehet Prishtinës

Në zemrën e gjelbërt të kryeqytetit, në mesin e dritave, miqve dhe muzikës, është vendi ku “Film n’park” shënon një rikthim pas kufizimeve nga...

Skender Beck, shqiptari nga Amerika na dërgon tinguj të Rock’n...

Shtetet e Bashkuara të Amerikës, vendi ku dolën shumë artistë të mëdhenjë si Bob Dylan, Jim Morrison, Jimi Hendrix, dhe shumë të tjerë, nga...

Më të lexuarat

Një person largohet nga një restorant në Pejë pa paguar...

Një person mashkull shihet duke ngrënë mengjes, dhe menjëherë pas përfundimit ai shihet duke u larguar pa komunikuar me ndonjë kamerier nga restoranti. Pamjet e...

Babai i Marigona Osmanit: Në qoftë se Marigona do të...

Në Shëngjin kishin qëndruar rreth 3-4 orë, në një bisedë me Dardanin, babait të Marigona Osmanit i ishte dukur si njeri i qetë. Për...

Babai i Marigona Osmanit: Nëna e Krivaqës më thoshte kam...

Muhabi Osmani - babai i të ndjerës, Marigona Osmani, e ka përshkruar këtë të fundit si një vajzë të qetë, të urtë e të...

Të fundit nga rubrika