“Rrahman Jasharaj na del të jetë vetëm një simptomë, indikacion i një kulture të stërkequr të dialogut social që është trashëguar ndër vitet”, kështu e ka vlerësuar figurën e kryegrevistit, kryetari i Komisionit për Arsim në Kuvendin e Kosovës, Ardian Gola.
Deputeti nga Lëvizja Vetëvendosje, Ardian Gola, ka folur në seancën plenare të Kuvendit të Republikës së Kosovës për grevën në arsimi, duke thënë se ai i mirëkupton mësimdhënësit dhe i kupton se nuk është e lehtë që të kritikohen për kërkesat e tyre.
“E kuptoj mësimdhënësit që nuk është lehtë që të përballosh një tematizimin të stërkequr publik për interesat dhe çështjet e tyre”, ka thënë Gola në Kuvendin e Kosovës.
Më tej ai, ka theksuar se në mbledhje e djeshme të Komisionit për Arsimi ku i kishte pasur përfaqësuesit e Këshillit Grevistë, sipas tij mazhoranca ka treguar një pjekuri të madhe “në raport me diskutimin dhe pozicionimin me argumentet e SBASHK-ut dhe BPSK-së”.
“Përmbushja dhe adresimi i kërkesave sindikale nga Qeveria e Kosovës, sa do që mund të relativizojmë se a është e kënaqshme apo jo. Nuk janë të atij niveli që të arsyetoj formën e grevës që ekziston”, ka shtuar ai.
Ndërkohë ai ka dhënë edhe një propozim se si mund të vazhdohet presioni sindikal por jo nëpërmjet grevës.
“Pa u realizuar kërkesa sindikale për kompensimi prej 100 eurosh do të mund që krejt lehtë të vazhdohet me presionin sindikal, por me grevën e plotë e cila është bllokadë absolute e procesit mësimor”, ka theksuar Gola.
Sipas tij, kjo është paralizimi i organeve vitale të Kosovës siç është shkollimi, tutje ka shtuar Gola, se tani ai më nuk po mund ta dallojë grevën nga shantazhi.
Deputetja nga partia politike, Lidhja e Demokratike e Kosovës, Vlora Dumoshi i ka reaguar Kryetarit të Komisionit për Arsim në Kuvendin e Kosovës, Ardian Golës, për deklarata ku i kishte thënë se mazhoranca ishte sjellë mirë me kryetarin e Këshillit Grevistë.
Këto deklaratë Dumoshi i ka përgënjeshtruar duke i thënë se si anëtare e Komisionit për Arsim në Kuvend të Kosovës i ka ardhur turp nga sjellja e mazhorancës “ ka qenë aq agresive ndaj atyre njerëzve, për keq ardhje sidomos dhe krejt mediat e kanë parë se çfarë ka ndodhur në mes të deputetit [Dimal Basha ] dhe Kryetarit të SBASHK-ut”.
Më tej ajo ka thënë kur e sheh se greva është duke vazhduar dhe qeveria nuk është duke u brengosur, “mendojë se po iu konvenon një krizë e tillë”.
“Po hymë në javën e psetë ku 10 mijë e 40 shkolla janë jashtë funksionit dhe 318 mijë nxënës janë jashtë procesit mësimor”, ka përfunduar ajo.