Policia e Kosovës ka njoftuar se të enjten e 27 prillit, një person me nënshtetësisë turke ishte ndaluar nga dy persona të panjohur.
Sipas njoftimit të policisë, viktima teksa ishte duke qarkulluar në autostradën “Ibrahim Rugova”, nga drejtimi i Prishtinës në drejtim të Prizrenit, ishte ndaluar nga dy persona, një nga ta ishte prezantuar si polic.
Në cilësinë e policit viktimës i kanë marrë një çantë dore në të cilën sipas viktimës gjendeshin rreth 40 deri në 50 mijë euro, një telefon “Iphone” dhe libreza e veturës.
Po ashtu, të dyshuarit sipas nënshtetasit turk, mbanin armë në brez.
“Të njëjtin në zonën e Malishevës e kanë ndaluar dy persona të moshës 30-35 vjeçare, që ishin me veturë dhe njëri ishte prezantuar si polic. Të njëjtit kanë kontrolluar veturën dhe nga vendi (nen ulëse) i kanë marrë një çantë dore qe brenda saj kishte rreth 40 – 50 mijë euro para, një telefon Iphpn dhe librezën e veturës. Viktima deklaron se tek te dyshuarit kishte vërejtur se mbanin armë ne brez, por qe nuk i kishin nxjerr nga brezi”, thuhet në raportin e policisë.
Pas kryerjes së grabitjes të dyshuarit janë larguar në drejtim të Prizrenit.
Rasti është ende duke u hetuar nga organet e rendit.