Të hënën e 27 qershorit grumbullohet Kombëtarja e Kosovës U20 në hendboll, e cila në muajin korrik do të garojë në Evropianin e Divizionit B që mbahet në Bullgari.
Kryetrajneri Taib Kabashi në përgatitje ka ftuar 21 lojtarë, ku ndërkohë do të vendosë për ekipin final.
Grumbullimi i Kombëtares U20 mbahet në Gjakovë, ndërsa grumbullimi i lojtarëve bëhet në ora 12:00 në Hotel Apoloni.
Në Divizionin B, Kombëtarja U20 është në grup me Maqedoninë e Veriut, Zvicrën, Rumaninë e Ukrainën.
Evropiani U20 do të mbahet nga 16 deri më 24 korrik.