Fitorja e madhe e Marokut kundër Belgjikës në ndeshjen e Kupës së Botës FIFA, të dielën, magjepsi tifozët në stadiumin Al Thumama dhe në mbarë botën.
Por skenat më emocionuese u panë në tribuna kur lojtari maroken, Achraf Hakimi, iu afrua nënës së tij dhe i dha një puthje.
Hakimi në një deklaratë tha se fëmijëria e tij ishte shumë e vështirë dhe se familja e tij kishte sakrifikuar shumë për të edhe pse ishin tejet të varfër.
Achraf Hakimi celebrating with his mother ❤️❤️🇲🇦😭😭😭pic.twitter.com/K4dWvDDwPM
— A5medv São | 🇧🇷 (@a5medv) November 27, 2022
“Nëna ime pastronte shtëpitë. Babai im ishte një shitës ambulant. Të luaja futboll ishte një ëndërr për mua dhe një sakrificë për ta, vëllezërit e mi sakrifikuan gjëra. Ishim shumë të varfër. Tani unë luftoj për ta!”, ka thënë Hakimi, raporton Fabrizio Romano.
Lojtari i PSG-së, i cili filloi me Real Madridin dhe më pas kaloi në Inter, vrapoi në tribunë pas fitores. Ai ia dhuroi edhe nënës së tij bluzën e ndeshjes. Videoja dhe fotot e skenave emocionale po bëhen virale në të gjithë internetin. Vetë Hakimi ka shpërndarë foto në Twitter.