Halimi: Dita e vetëdijësimit kundër dhunës ndaj grave nisi me mëngjes të trishtë

Zëdhënësja e Lidhjes Demokratike të Kosovës(LDK), Sibel Halimi ka reaguar pas rastit të fundit të vrasjes së një gruaje e cila dyshohet se u vra me sëpatë nga burri i saj. Halimi ka thënë se Dita e vetëdijësimit kundër dhunës ndaj grave ka nisur me një mëngjes të trishtë. Gjersa, ka theksuar se duhet të eleminohet patriarkalizimi dhe duhet të vetësijësohen të gjithë për qëndrimet dhe gjuhën që përdorin karshi grave dhe vajzave

Sibel Halimi, zëdhënëse e Lidhjes Demokratike të Kosovës





Zëdhënësja e Lidhjes Demokratike të Kosovës (LDK), Sibel Halimi, ka reaguar pas rastit të fundit të vrasjes së një gruaje në Prishtinë, që për të njëjtin rast Prokuroria ka njoftuar se gruan dyshohet se e ka vrarë me sëpatë burri i saj.

Halimi, ka thënë se e premtja e 25 nëntorit që është Dita Ndërkombëtare për Eleminimin e Dhunës ndaj Grave, do të duhet të shërbejë për arritjen e barazisë gjinore, e jo pikërisht në këtë ditë të vritet një grua në familjen e saj.

Gjersa, ka shtuar se Dita e vetëdijësimit kundër dhunës ndaj grave nisi me mëngjes të trishtë.

“Dita e vetëdijësimit kundër dhunës ndaj grave nisi me mëngjes të trishtë. Në Ditën Ndërkombëtare për Eliminimin e Dhunës ndaj Grave, e cila do të duhej të shërbejë si një përkujtues i radhës për atë se edhe sa shumë duhet të bëjmë si shoqëri për të arritur barazinë gjinore; pikërisht sot, në Prishtinë, vritet një grua në familjen e saj”, ka shkruar Halimi në llogarinë e saj në Facebook.

Tutje, Halimi në postimin e saj ka shtuar se kur gjysma e popullatës shtypet dhe diskriminohet ‘nuk duhet të qëndrojmë duarkryq’.

Ndër të tjera, ajo ka thënë se pa eliminimin e patriarkalizimit nuk mund të ndryshojnë veprimet, gjersa ka bërë thirrje se duhet të arrihet vetëdijësim për rëndësinë e gjuhës dhe qëndrimeve karshi grave dhe vajzave.

“Në një vend ku gratë dhe vajzat shihen si objekte, në shërbim, të disiplinuara dhe të kontrolluara nga burrat; në një kohë kur rastet e dhunës, dhunimit dhe privimit nga jeta të grave, janë bërë rëndomtësi e përditshmëri, nuk mund të qëndrojmë duarkryq kur gjysma e popullatës shtypet dhe diskriminohet. Të gjithë duhet të vetëdijesohemi për rëndësinë e gjuhës që shprehim, për qëndrimet tona karshi grave dhe vajzave, ngase pa eliminimin e patriarkalizimit të përbrendësuar nuk mund t’i ndryshojmë veprimet”, ka përfunduar Halimi.





Shija e redaktorit

Fury mposht Chisoran, mbron titullin botëror të peshave të rënda

Boksieri britanik, Tyson Fury, ka mposhtur Derek Chisoran ​​për të mbrojtur titullin e tij WBC, të peshave të rënda. Meçi ka zgjatuar deri në raundin...

Xhubleta shqiptare në 110- vjetorin e Pavarësisë bëhet pjesë Komitetit...

Ministrja e Kulturës së Shqipërisë, Elva Margariti, përmes një videoje të publikuar në llogarinë zyrtare të Ministrisë së Kulturës në Facebook, ka bërë të...

Me pushkë e me penë – 110 vjet shtet

Gjithçka, nisi më 28 Nëntor të vitit 1443. Në këtë ditë, heroi kombëtar i shqiptarëve, Gjergj Kastrioti, ngriti flamurin e shqiponjës dykrenare mbi Kalanë e...

Më të lexuarat

Kardiologu Çelaj për vdekjen e 17-vjeçarit në fushë: Ne e...

Kardiologu Sulejman Çelaj ka folur për rastin e vdekjes së futbollistit të ‘Trepçës 89, Erion Kajtazi. https://www.dukagjini.com/nderron-jete-ne-fushe-futbollisti-17-vjecar-erion-kajtazi/ Përmes një lidhje direkte në emisionin “Dueli Botëror” në...

Vetëvrasja e Sokol Halili, Policia tregon çfarë gjeti në vendngjarje

I dyshuari për vrasjen e 35-vjeçares shtatzënë ishte vetvrarë të premten, njoftoi Ministri i Brendshëm, Xhelal Sveçla. Raporti 24-orësh i Policisë së Kosovës ka dhënë...

Mungesa e Serbisë në Samit, Rama: Vuçiq s’ka rrugë tjetër,...

Kryeministri i i Shqipërisë, Edi Rama, në një bashkëbisedim në rrjetet sociale, ka thënë se Serbia do të marrë pjesë NË Samitin e 6...

Të fundit nga rubrika