Sëmundjet kardiovaskulare janë vrasësit kryesorë në botë, duke shkaktuar 1 në çdo 3 vdekje. Në Filipine, sëmundjet kardiovaskulare janë gjithashtu shkaku numër një i vdekjeve, me rreth 50 mijë të vdekur çdo vit.
Shkaku i sulmeve në zemër dhe goditjeve në tru janë zakonisht prania e një kombinimi faktorësh rreziku, si përdorimi i duhanit, dieta jo e shëndetshme dhe obeziteti, pasiviteti fizik dhe përdorimi i alkoolit, hipertensioni, diabeti dhe niveli i lartë i kolesterolit.
Nuk është asnjëherë vonë për të filluar ndryshimin e stilit të jetesës drejt një zemre më të shëndetshme. Hapet që sygjerohen të ndiqen janë:
Hani një dietë të shëndetshme për zemrën
Një dietë e shëndetshme për zemrën përbëhet nga një kombinim i ushqimeve të ndryshme duke përfshirë fruta, perime, drithëra, bishtajore dhe arra. Këtu bën pjesë dhe reduktimi i konsumimit të mishit të kripur si proshutë, tocino, sallam, hotdog, si dhe ushqime të kripura si peshku i tharë. Preferohet të përdoret lëng dhe uthull calamansi për të shijuar ushqimin tuaj në vend të erëzave me natrium të lartë si salca e sojës, salca e peshkut, bagoong dhe ketchup. Sygjerohet të shmanget konsumi i ushqimeve të përpunuara, të konservuara dhe të shpejta. Po ashtu, sugjerohet të zëvendësohen ushqimet e ëmbla të tilla si donuts, biskota dhe të ngjashme me fruta dhe perime të freskëta dhe nëse keni etje, zëvendësoni pijet e ëmbla dhe lëngjet e ëmbla me ujë.
Nëse jeni mbipeshë, humbni peshë
Mbipesha dhe obeziteti përkufizohen si një indeks i masës trupore prej 25 e lart. Obeziteti qendror ose dhjamosja nga ana tjetër është një perimetër i lartë i belit prej më shumë se 80 cm për femrat dhe më shumë se 90 cm për meshkujt. Një perimetër i lartë i belit tregon për më shumë yndyrë intra-abdominale dhe shoqërohet me një rrezik më të lartë për zhvillimin e sëmundjeve kardiovaskulare. Përpiquni të reduktoni 500 kilokalori në dietën tuaj ditore, gjë që do të ndihmojë në humbjen mesatare të peshës përafërsisht gjysmë deri në gati 1 kilogram në javë, transmeton who.int.
Rritni aktivitetin e rregullt fizik në të paktën 2.5 orë në javë
Aktiviteti fizik kontribuon në përmirësimin e presionit të gjakut, përmirësimin e niveleve të kolesterolit dhe lipideve të tjera të gjakut dhe kontrollin e peshës. Njerëzit joaktivë mund të fillojnë me sasi të vogla të aktivitetit fizik (edhe si pjesë e aktiviteteve të tyre normale ditore) dhe gradualisht të rrisin kohëzgjatjen, frekuencën dhe intensitetin. Të rriturve u rekomandohet të kryejnë të paktën 150 minuta aktivitet fizik të moderuar gjatë gjithë javës.
Mos përdorni duhan
Përdorimi i duhanit dhe ekspozimi ndaj tymit të dorës së dytë janë të dëmshme për zemrën tuaj. Lënia e përdorimit të duhanit është dhurata më e madhe e shëndetit që mund t’i jepni zemrës suaj dhe ka përfitime shëndetësore të menjëhershme dhe afatgjata, duke përfshirë të jetuarit deri në 10 vjet më gjatë. Pas një vjetësh nga lënia e duhanit, rreziku i sëmundjeve të zemrës është rreth gjysma e atij të një duhanpirësi. Pesëmbëdhjetë vjet pas lënies së duhanit, rreziku i sëmundjeve të zemrës është i njëjtë me atë të një jo duhanpirësi.
Shmangni përdorimin e alkoolit
Konsumimi i alkoolit është lidhur me më shumë se 200 sëmundje dhe lëndime, duke përfshirë sëmundjet kardiovaskulare. Ndërsa shumica e filipinasve raportojnë se pinë alkool si herë pas here, pirja e tepërt është e zakonshme në vend. Nuk ka asnjë nivel të sigurt për pirjen e alkoolit, kështu që është më mirë të shmangni pirjen e alkoolit krejtësisht për të mbrojtur zemrën tuaj.
Kontrolloni rregullisht presionin e gjakut dhe sheqerin në gjak
Një mënyrë e rëndësishme për të mbajtur një zemër të shëndetshme është që presioni i gjakut dhe sheqeri në gjak të kontrollohen rregullisht nga një punonjës shëndetësor. Disa njerëz nuk shfaqin simptoma edhe nëse tashmë kanë presion të lartë të gjakut – dhe kjo mund të dëmtojë zemrën tuaj. Nëse jeni diagnostikuar me hipertension ose diabet, vendosni objektiva me punonjësin tuaj shëndetësor dhe merrni rregullisht barnat tuaja.