Një 50-vjeçar ka vdekur të mërkurën e 26 korrikut, pasi dyshohet të ketë rënë nga lartësia e një ure në rrugën “Dëshmorët e Kombit” në Mitrovicë.
Lajmin e ka konfirmuar për Portalin Dukagjini, zëdhënësi i policisë për rajonin e Mitrovicës Avni Zahiti.
Zahiti ka thënë se trupi i pajetë i viktimës është dërguar për obduksion në Institutin e Mjekësisë Ligjore (IML).
Rasti vazhdon të jetë nën hetim.
“Sot, rreth orës 13:30 është raportuar se në rrugën ‘ Dëshmorët e Kombit” në Mitrovicë, si pasoj e rënies nga lartësia e urës ka humbur jetën viktima mashkull/kosovar rreth 50 vjeçar. Hetuesit policor kanë nisur hetimet për zbardhjen e rrethanave të rastit. Me urdhër prokurorit trupi i pajetë dërgohet në IML për obduksion”, thuhet në përgjigje.