Policia e Kosovës ka njoftuar se të premten rreth orës 02:33, në fshatin Dumosh të Podujevës, dy persona kanë tentuar që të kryejnë grabitje në një shtëpi.
Sipas policisë, ankuesi ka informuar se dy personat ishin të maskuar dhe se kanë kërkuar nga bashkëshortja e tij, para dhe stoli ari, por me të parë bashkëshortin të njëjtit janë larguar.
Policia nuk ka njoftuar se ka pasur ndonjë të lënduar.
“Ankuesi mashkull kosovar ka informuar se dy persona të maskuar kanë hyrë në shtëpinë e tij dhe nga bashkëshortja e tij kanë kërkuar para dhe stoli ari, mirëpo pasi kanë parë ankuesin, të njëjtit kanë ikur pa marrë asgjë. Rasti është duke u hetuar”, thuhet në njoftimin e policisë.
Policia e Kosovës ka njoftuar se rasti është duke u hetuar nga organet e rendit.