Hyseni: Nëse hiqet vula e marrëveshjes ndërkombëtare Asociacioni del anti-kushtetues

Zgjim Hyseni i PSD-së ka thënë se Asociacioni i komunave me shumicë serbe nuk duhet të themelohet

Zgjim Hyseni- PSD

Marrëveshja për themelimin e Asociacionit të komunave me shumicë serbe e cila u nënshkruar në vitin 2013, sipas aktivistit të PSD-së, Zgjim Hyseni është anti-kushtetuese.

Ai në Debat Plus, ka thënë se nëse asaj marrëveshje e i hiqet “vula” e marrëveshjes ndërkombëtare e cila pastaj u votua me dy të tretat në Kuvendin e Kosovës, do të dilte në kundërshtim me ligjet kushtetuese të Kosovës.

“Nëse e heq vulën e marrëveshjes ndërkombëtare kjo marrëveshje del anti-kushtetuese. Arsyeja është që nuk është trajtu sepse ka qenë e bllokuar si marrëveshje ndërkombëtare, Asociacioni është duke u formu në bazë të kësaj marrëveshje”, ka thënë ai.

Sipas Hysenit, nëse themelohet një Asociacion i tillë, atëherë do të ishte shumë i dëmshëm për Kosovën.

Ai ka thënë se ajo marrëveshje parasheh që komandanti regjional i komunave serbe do të ishte patjetër i etnisë serbe.

“Gjasat që nëse bëhet një Asociacion është të shihet çfarë përmban marrëveshja e 2013. Aty thuhet se komandanti regjional i Policisë duhet të jetë serb i zgjedhur prej atyre komunave”, ka thënë ai.

Marrëveshja e vitit 2013 sipas tij e parasheh po ashtu Gjykatën e Apelit dhe nivelin regjional të policisë që është me bazë etnike.

Shija e redaktorit

Ermal Panduri tregon se si filloi emisioni “Debat Plus”

Moderatori i emisionit më të shikuar në vend "Debat Plus", Ermal Panduri, ka treguar se ky është emisioni më i shtrenjtë në Kosovë. "Është shumë...

15 operimet më të ndërlikuara në shëndetësi u kryen ditën...

Në Spitalin e Përgjithshëm të Pejës, gjatë ditës së djeshme (12 mars), janë kryer 15 operacionet më të ndërlikuara në shëndetësi. Këtë e ka...

Gërvalla viziton Misionin e Përhershëm të Shqipërisë në NATO

Në kuadër të vizitës në NATO, ministres së Punëve të Jashtme dhe Diasporës, Donika Gërvalla dhe delegacionit të Kosovës i është rezervuar një pritje...

Të fundit nga rubrika