Inspektorati Policor i Kosovës (IPK) ka themeluar ekpin e përbashkët për vlerësmin e veprimeve policore gjatë asistimit tre kryetarëve të komunave në veri të Kosovës për të ushtruar të drejtën e tyre në punë në objektet e komunave përkatëse.
Kjo u bë e ditur përmes një njoftimi nga IKP-ja, ku theksohet se qëllimi i këtij ekipi është që të sigurojnë që policia ka kryer detyrat konform standarteve ligjore gjatë aksionit të së premtes.
“Qëllimi i punës së këtij Ekipi është që të sigurojmë që Policia e Kosovës ka kryer detyrat konform standardeve dhe autorizimeve kushtetuese e ligjore, drejt krijimit të një mjedisi të sigurt për qytetarët pa dallim. Po ashtu, Ekipi synon të identifikojë nëse gjatë këtij operacioni ka pasur tejkalim të autorizimeve policore. IPK siguron se varësisht nga gjetjet e punës së këtij Ekipi, konform autorizimeve ligjore dhe në koordinim me Policinë e Kosovës dhe Prokurorin e Shtetit do të adresojë çështjet e ngritura. IPK do të mbajë të informuar opinionin publik me rezultatet e punës së këtij Ekipi”, thueht në njoftim.