Kryeprokurori i Prokurorisë Speciale, Blerim Isufaj, ka pritur në takim zëvendësdrejtorin e Qendrës Ndërkombëtare për Rikuperimin e Pasurive të Institutit të Bazelit për Qeverisje, Iker Lekuona.
Lekuona ishte i shoqëruar nga eksperti i këtij Instituti në Kosovë, Eric Stonecipher dhe Këshilltari i Lartë Ligjor në UNDP, Albert Avdiu.
Gjatë këtij takimi është diskutuar për përmirësimin e kapaciteteve për hetimin e krimit të organizuar dhe korrupsionit, si dhe identifikimin dhe kthimin e aseteve të fituara me vepër penale.
Kryeprokurori Isufaj ka vlerësuar se takimet e tilla janë të rëndësishme për të shkëmbyer eksperiencat, për të marrë mbështetje dhe për t’i koordinuar veprimet në luftën kundër korrupsionit dhe në forcimin e drejtësisë penale, si dhe shërbejnë për të ndihmuar në forcimin e kapaciteteve institucionale në Kosovë.