Jepet premiera e filmit “Dashuri dhe turbulenca” në Cineplexx

Aktorë, kënëgtarë, sportistë, modele e personazhe të fushave të ndryshme kishin mbushur hollin e Cineplexx-it mbrëmjen e së mërkurës.

Kjo për një arsye: të gjithë prisnin për premierën e filmit shqiptar komedi “Dashuri dhe Turbulenca”.

I përbërë nga një kastë e aktorëve të njohur shqiptarë, fabula e këtij filmi flet për një personazh karizmatik; një biznesmen të suksesshëm, i cili ka vetëm një dobësi: femrat.

Mbi këtë fabulë ndërtohet e gjithë ngjarja prej 90 minutash.

Është Amos Muji Zaharia, që në film njihet si Edi, i cili në mënyrë të përsosur arrin që ta përvetësojë rolin, ndonëse sipas tij nuk ishte edhe aq e lehtë.

“Eksperienca padyshim që ka qenë e jashtëzakonshme. Ka qenë një adaptim i filmit që kemi bërë, ku në Tiranë kemi dhënë më shumë se 200 repriza. Kështu të xhirohet ky film ishte një kënaqësi shumë e madhe”, ka thënë Amos Muji Zaharia.

Bashkë – producentja e cila në film luan rolin e asistentës së përsonazhit kryesor, Rudina Dembacaj, ka thënë se këtë film e kanë krijuar me shumë dashuri.

“Roli im është një rol i vogël relativisht do të thoja. Është një rol shumë i bukur, vende- vende edhe më përshtatet dhe nuk ka pasur ndonjë vështirësi përveç të ftohtit, që ka qenë shumë ftohtë ditën e xhirimit. Unë jam njeri që kam shumë ftohtë edhe vetëm ankohem”.

“Dashuri dhe turbulenca”, kishte nisur xhirimet gjatë kohës së pandemisë. Kjo ishte vetëm njëra nga pengesat e vogla për këta artistë, mirëpo jo për të bërë një punë kaq të madhe.

“Ishte rretha kryesore, ajo e covid-it dhe ne ishim 80 për qind në realizimin e filmit ishim brenda shtëpisë dhe kishim frikë për rastet me covid që dikush mund të sëmuret dhe binte poshtë e gjithë struktura”, ka thënë regjisori Dionis Papadhimitri.

Filma të tillë komedie nuk do të mungojnë në kinemanë Cineplexx. Dëfrim Puka, menaxher i marketingut ka thënë se do të mundohen që çdo herë të sjellin filma të cilët i përshtaten shijes së publikut.

“Ky është një film që ka filluar të shfaqet në Cineplexx në Shqipëri, tash e tri javë, dhe atje ka pasur shikueshmëri të madhe, janë shitur mbi 30 mijë bileta edhe kemi vendosur që me sjellë dhe me e shfaq edhe para publikut kosovar”, ka deklaruar Dëfrim Puka- Menaxher i marketingut në Cineplexx.

Ndryshe, filmi komedi shqiptar “Dashuri dhe turbulenca” do të jetë i hapur për të gjithë publikun nga data 28 prill.

Shija e redaktorit

Vetëm në muajin shkurt mërgata ka dërguar 87.9 milionë euro

Banka Qendrore e Republikës së Kosovës, sipas kalendarit të publikimeve, ka prezantuar statistikat për institucionet e tjera financiare për muajin shkurt 2024, të remitancave...

Ndahen 8 milionë euro për 11 komuna

Ministri i Administrimit dhe Pushtetit Lokal(MAPL), Elbert Krasniqi, ka njoftuar se janë ndarë 8 milionë euro në 11 Komuna. Ministri Krasniqi, bashkë me kryetarët e...

Kosova një hap më afër anëtarësimit në Këshill të Evropës

Komiteti për Politikë dhe Demokraci i Këshillit të Evropës ka miratuar raportin e raportueses për Kosovën, Dora Bakoyannis, ku rekomandohet që shteti ka përmbushur...

Të fundit nga rubrika