Pas sulmit terrorist në Bansjkë të Zveçanit, më 24 shtator, lëvizjet e presidentit të Serbisë, Aleksandër Vuçiq, në vend që ta qetësonin situatën, krijuan nj përshkallëzim të ri ka thënë ligjëruesi në Universitetin “John Hopkins”, Edward P. Joseph.
Joseph, ka theksuar se pas këtij sulmi pozita e Beogradit është dobësuar dhe se Uashingtonit dhe Brukseli zyrtar du het të ushtrojnë opsion më të fortë ndaj Vuçiqit.
“Ne e dimë tashmë se çfarë bëri presidenti Vuçiq pas 24 shtatorit, dhe po pyes nëse lëvizjet e Vuçiqit janë përshkallëzim në vend të qetësimit. Vuçiq e ka përshkallëzuar edhe më shumë situatën. Edhe Kisha Ortodokse Serbe ishte distancuar, duke shprehur ngushëllimet e saj me rastin e policit të vrarë. Por shpallja e zisë treditore, gjuhë e ashpër nxitëse ndaj Albin Kurtit në mediat serbe, dërgimi i armëve në kufirin me Kosovën, ky është një përshkallëzim i qartë i Aleksandër Vuçiqit, i cili menjëherë pas Banjskës u takua me ambasadorin rus.
Besoj se është thelbësore të përfitohet nga kjo situatë me kërcënime me sanksione dhe faktin që presidenti Vuçiq është në defansiv. E rikujtoj se BE-ja e quajti atë një sulm terrorist. Kjo do të thotë se Vuçiq tani është në një pozitë të cenueshme. BE-ja dhe SHBA-ja duhet të përfitojnë nga kjo dhe t’u paraqesin palëve një dokument “merre ose lëre”, me zbatim të qartë, duke përfshirë hapat që duhet të ndërmarrë Beogradi, në mënyrë që zbatimi të jetë i barabartë”, ka thënë Joseph për RTK.