Edison Ukaj, kadet i Forcës së Sigurisë së Kosovës, ka diplomuar në akademinë ushtarake të Ushtrisë Gjermane.
Në një ceremoni të organizuar në ambasadën e Republikës së Kosovës në Berlin, zyrtarët e lartë të Bundeswehr i dorëzuan diplomën kadetit Ukaj, i cili nga sot do të shërbejë në radhët e oficerëve të FSK-së.
Zëvendësambasadorja e Kosovës në Berlin, Valëza Oruqi dhe atasheu i mbrojtjes së Kosovës në Gjermani, nënkolonel Besim Gashi, kanë falënderuar Republikën Federale të Gjermanisë dhe Ministrinë e Mbrojtjes Gjermane dhe Bundeswehr për kontributin në përgatitjen e kuadrove profesionale ushtarake të Forcës së Sigurisë së Kosovës”, thuhet në njoftimin e FSK-së.