Flamur Kadriu, drejtori ekzekutiv i Agjencisë Ushqimore dhe Veterinarisë (AUV), ka thënë se për ligjin e duhanit nuk ka nevojë të ketë vendime, pasi ligji është aktual.
“Nuk ka pasur nevojë të ketë vendime, ka pasur nevojë të riorganizohemi, t’i kemi disa aksione. Duke marrë parasysh që deri vjet nuk kemi pasur numër të mjaftueshëm të inspektorëve, dhe sigurisht atëherë kur ishte pandemia”, ka thënë Kadriu.
“E mbajnë mend qytetarët që përveç pandemisë u përballëm edhe me ligjin e duhanit në hapësira të mbyllura. Ishte situatë urgjente atëkohë dhe kjo mbeti të zbatohet pak më vonë”, ka shtuar drejtori ekzekutiv i AUV-it në emisionin “FIVE” në RTV Dukagjini.
“Për tërë Kosovën ne kemi 49 inspektorë aktivë që tashmë janë të ndarë në grupe, në dy ndërrime”, ka thënë tutje Kadriu.
Kadriu ka theksuar se dhe tani është një numër i vogël i inspektorëve, dhe me dakordim me Ministrinë e Bujqësisë vendosën të krijojmë ekipe që të fillojë zbatimi i ligjit të duhanit.
Zbatimi i ligjit të duhanit, Peci: Nga 683 inspektime, kemi hasur në 149 raste të shkeljes së ligjit