Kastriot Imeri është larguar nga klubi zviceran Servette për të kaluar të një klub tjetër zviceran, Young Boys. Ai ka nënshkruar kontratë deri në vitin 2026, ku ish-ekipi i tij do të përfitojë 3.5 milionë euro
Drejtori sportiv i YB ka thënë se me Kastriot Imerin sulmi do të jetë edhe më i fuqishëm, dhe ai mund të luajë në pozicione të ndryshme dhe këtë e ka treguar paraqitja e tij te Servette.
Ndërsa, vetë Imeri ka thënë se i pret sfidat me ekipin YB, dhe dëshiron që të ndihmojë ekipin t’i arrijë qëllimet, njofton Blick.
Ai nuk do të jetë i disponueshëm për ndeshjen e parë kundër Anderlecht në play-off-in e Konferencës së Ligës (19 gusht), por për ndeshjen e kthimit (25 gusht).
Në sezonin e fundit me Servette, 22-vjeçari tregoi të gjitha cilësitë e tij, duke shënuar 11 gola në 26 ndeshje dhe duke u bërë një nga elementët më tërheqës të Superligës zvicerane.
