Këshilli i Prindërve kërkon pushim pranveror për nxënësit

Vitin që shkoi, greva u organizua pas paralajmërimeve të shumta të Sindikatës së Bashkuar të Arsimit Shkencës dhe Kulturës, e cila kërkonte nga 100 euro më shumë deri në miratimin e Ligjit të Pagave. Shkollat të cilat nuk ishin në grevë do të mbajnë pushimin pranveror, gjersa të tjerat jo. Për rrjedhojë, Këshilli i Prindërve ka reaguar, duke deklaruar se një kërkesë i është dërguar ministres së Arsimit, Arbërie Nagavci. Por ende nuk kanë përgjigje nga ajo

Bankat shkollore

Këshilli i Prindërve të Kosovës ka kërkuar nga Ministria e Arsimit, Shkencës, Teknologjisë dhe Inovacionit që të respektohet mbajtja e pushimit pranveror për nxënësit e sistemit parauniversitar të Kosovës.

Me anë të një postimi në Facebook, Këshilli i Prindërve ka deklaruar se mosmbajtja e këtij pushimi është një shkelje e rëndë e të drejtave të fëmijëve.

“Më shumë sesa të shqetësuar e të mllefosur që na shkelën të drejtat e fëmijëve shpesh, përsëritur e krejtësisht hapur (pa asnjë pasojë për shkelësit); e që anshkalohemi si Këshill për shkak të qëndrimeve parimore e të drejta, është heshtja e çuditshme e krejt institucioneve të vendit dhe palëve të tjera për këto shkelje të rëndë të drejtash. Të krijohet përshtypja sikur ky vend nuk ka President, nuk ka Kryeministër, nuk ka Kuvend, nuk ka prokurori e gjykata, nuk ka Avokat të Popullit, nuk ka Këshill për Mbrojtjen e të Drejtave, nuk ka akademi, nuk ka kryetarë komunash e drejtori komunale të arsimit, nuk ka opinionistë, nuk ka përfaqësi ndërkombëtare (që deklarohen edhe për çështje krejt minore), nuk ka organizata që mbrojnë të drejtat e fëmijëve. Jemi vetëm ne e fëmijët tanë”, thuhet në njoftim.

Këshilli i Prindërve ka bërë të ditur se tanimë një kërkesë i është drejtuar udhëheqëses së këtij dikasteri, Arbërie Nagavci, dhe se po presin përgjigje.

Vitin që shkoi, greva u organizua pas paralajmërimeve të shumta të Sindikatës së Bashkuar të Arsimit Shkencës dhe Kulturës, e cila kërkonte nga 100 euro më shumë deri në miratimin e Ligjit të Pagave.

Kategorikisht kundër kësaj kërkesë ishte Qeveria e Kosovës, e cila e akuzonte SBAShK-un për grevë të politizuar dhe të ndikuar nga opozita.

Ashtu siç ishte paralajmëruar, greva nisi më 25 gusht të vitit 2022. Me një muaj vonesë, kishte filluar mësimi në të gjitha nivelet e arsimit parauniversitar në Kosovë, pas pezullimit të grevës pesëjavore nga SBASHK-u.

Ndërkaq, më 22 dhjetor, nën polemika e debate të ashpra, u miratua Ligji i Pagave për punëtorët e sektorit publik.

2022/Greva në arsim, një muaj shkollat qëndruan pa nxënës  

Shija e redaktorit

Ndahen 8 milionë euro për 11 komuna

Ministri i Administrimit dhe Pushtetit Lokal(MAPL), Elbert Krasniqi, ka njoftuar se janë ndarë 8 milionë euro në 11 Komuna. Ministri Krasniqi, bashkë me kryetarët e...

Kosova një hap më afër anëtarësimit në Këshill të Evropës

Komiteti për Politikë dhe Demokraci i Këshillit të Evropës ka miratuar raportin e raportueses për Kosovën, Dora Bakoyannis, ku rekomandohet që shteti ka përmbushur...

Osmani: Historia e nënë Ferdonijes duhet të shërbejë si kujtesë...

Presidentja e Kosovës, Vjosa Osmani, ka folur mbi historinë e nënës Ferdonije Çerkezi, e cila ka humbur katër djemtë e saj dhe bashkëshortin gjatë...

Të fundit nga rubrika