Faton Klinaku, nga OVL-UÇK, ka thënë se Ministri i Financave, Hekuran Murati, ka mashtruar publikun duke lexuar vetëm një nen përderisa duhet lexuar gjithë ligji.
Sipas tij, asnjë ligj mbi veteranët nuk mund të jetë funksional përderisa nuk përfundon kategorizimi i veteranëve.
Gjersa lexonte ligjet, Klinaku ka thënë se politikanët dhe çdo qeveri e ka trajtuar çështjen e veteranëve për çështje votash. Ai ka thënë se populli i voton pa ditur se çështja e veteranëve nuk mund të vërtetohet përderisa dokumentacionet janë në prokurori.
Sipas Vehbi Kajtazit, zgjedhja më e mirë do të ishte të shpallurit dokumentet e pavlefshme, ashtu që, forma e procesit të ndryshonte dhe njerëzit mos të kishin mundësinë e vetshpalljes veteran.
Organizata e UÇK-së kishte kërkuar që procesi i verifikimit të kthehej nga zero, mirëpo një kërkesë e tillë ishte refuzuar nga Sami Kurteshi, nga Lëvizja Vetvendosje, duke thënë se lënda ishte tashmë në Gjykatë.