Kompania mëmë e Google, Alphabet planifikon të pushojë nga puna 12 mijë punëtorë

Kompania mëmë e Google, Alphabet Inc ka njoftuar të premten për 12 mijë shkarkime të vendeve të punës, më shumë se 6 për qind e fuqisë punëtore të saj globale, duke u bërë gjigandi më i fundit i teknologjisë që shkurtohet pas vitesh rritjeje dhe punësimesh të bollshme

Foto ilustruese

Kompania mëmë e Google, Alphabet Inc planifikon të eliminoj rreth 12 mijë vende pune, ose 6 për qind të fuqisë së saj punëtore, ka thënë kompania të premten, në shkurtimet më të fundit për të tronditur sektorin e teknologjisë.

Sundar Pichai, CEO i Alphabet, ka thënë në një memo të stafit të ndarë me Reuters se kompania kishte zgjeruar me shpejtësi numrin e punonjësve në vitet e fundit “për një realitet ekonomik të ndryshëm nga ai me të cilin përballemi sot”.

“Unë marr përgjegjësinë e plotë për vendimet që na çuan këtu”, ka thënë ai, raporton Reuters.

Shkurtimet vijnë disa ditë pasi rivali Microsoft Corp ka thënë se do të pushonte nga puna 10 mijë punëtorë.

Humbjet e vendeve të punës në Alphabet prekin ekipet në të gjithë kompaninë duke përfshirë rekrutimin dhe disa funksione të korporatës, si dhe disa ekipe inxhinierike dhe produktesh.

Pushimet nga puna janë globale dhe ndikojnë menjëherë në stafin amerikan.

Alphabet tashmë u ka dërguar email punonjësve të prekur, thuhet në memorandum, ndërsa procesi do të zgjasë më shumë në vendet e tjera për shkak të ligjeve dhe praktikave lokale të punësimit.

Lajmi vjen gjatë një periudhe pasigurie ekonomike si dhe premtime teknologjike, në të cilën Google dhe Microsoft kanë investuar në një zonë në zhvillim të softuerit të njohur si inteligjenca artificiale gjeneruese.

Shija e redaktorit

Shkolla “Ismail Qemali” anëtarësohet në UNESCO Education Charter Club

Shkolla fillore e mesme e ulët “Ismail Qemali” në Prishtinë ka marrë konfirmimin zyrtar për themelimin e “Ismail Qemali UNESCO Education Charter Club”, duke...

“Dita e Forcës”, kazermat e FSK-së të hapura për qytetarët

Ministria e Mbrojtjes dhe Forca e Sigurisë së Kosovës, me rastin e Ditës së Forcës, sot duke filluar nga ora 09:00 deri në ora...

Enise Zijade, vajza tjetër e argjendtë e Kosovës

Xhudistja kosovare Enise Zijade ka shkëlqyer sot në Podgoricë, duke u renditur e dyta dhe duke siguruar medaljen e argjendtë. Ajo nisi garën me një...

Të fundit nga rubrika