Në 24 orët e fundit, policia në Vushtrri, në dy raste të ndara, ka konfiskuar dy armë zjarri.
Në rastin e parë, pas pranimit të informatës për të shtëna me armë, njësitet policore kanë identifikuar lokacionin, ku fillimisht janë gjetur nëntë (9) gëzhoja, me ç’rast nga personi i dyshuar është konfiskuar një armë e llojit pistoletë.
“Pas intervistimit me aktvendim të prokurori të dyshuarit për përdorim të armës, i është caktuar masa e ndalimit policor”, ka njoftuar Policia e Kosovës.
Ndërsa, në rastin tjetër, njësia policore në Vushtrri, gjatë kontrollit të detajuar, tek i dyshuari kanë gjetur dhe konfiskuar një armë pistoletë me 13 fishekë.
Pas intervistimit, i dyshuari është liruar në procedurë të rregullt.
Ndaj tyre janë iniciuar raste për veprat penale “Mbajtje në pronësi, kontroll ose posedim të paautorizuar të armëve” dhe “Përdorim i armës”.