Kosova dërgon kontingjentin e parë me medikamente mjekësore në Ukrainë

Të martën e 12 prillit ka arritur një kontigjent i medikamente mjekësore nga Kosova për spitalin ushtarak të Zaporizhias në Jug të Ukrainës. Kjo është ndihma e parë nga Kosova për Ukrainën që nga invazioni rus.

Lajmi është bërë i ditur nga Valon Arifi, i cili është aktivist i nismës kosovare për ndihmë të popullit ukrainas.

Ky kontingjent është dërguar nga nisma e të rinjve nga Prishtina ‘Youth Community Project’, në bashkëpunim me ambasadën ukrainase në Tiranë.

“Nga populli i Kosovës te Spitali ushtarak i Zaporizhias në Jug të Ukrainës. Kosova qëndron me Ukrainën”, ka shkruar Arifi në një postim në rrjetin social Twitter.

Ndërkaq, më 19 mars të vitit 2022, kryeministri i Kosovës, Albin Kurti, gjatë një takimi me delegacionin nga Shtëpia e Bardhë, kishte potencuar se Kosova është e gatshme të strehojë deri në pesë mijë refugjatë nga Ukraina.

“Qeveria e Kosovës vazhdon të mbetet e përkushtuar që të punojë bashkë me aleatët, për të kontribuar për paqen e qëndrueshme, stabilitetin afatgjatë dhe sigurinë rajonale e globale”, kishte thënë Kurti.

Sipas të parit të ekzekutivit të Kosovës, vendi dhe populli kosovar janë çdoherë të gatshëm për t’iu përgjigjur thirrjes për ndihmë nga Shtetet e Bashkuara të Amerikës.

Kurse pak ditë më vonë, më 23 mars, është miratuar edhe vendimi për ndarjen e mjetve buxhetore në vlerë prej 100 mijë euro nga Kosova për popullin e Ukrainës.

Në po të njëjtën ditë, Qeveria e Kosovës në mbledhjen e saj ka vendosur të zgjerojë pakon e masave sanksionuese ekonomike-financiare ndaj Rusisë dhe Bjellorusisë.

Gjitashtu, edhe më 25 shkurt, Kosova i kishte vendosur sanksione ndaj Rusisë.

Kryeministri Kurti, kishte thënë se këto sanksione janë marrë duke iu bashkëngjitur vendeve partnerë, si Shtetet e Bashkuara të Amerikës (SHBA) dhe Bashkimi Evropian (BE).

“Sot ditën po e fillojmë duke iu bashkëngjitur partnerëve tanë, në kundërpërgjigje ndaj agresionit ushtarak të Rusisë duke miratuar një pako sanksionesh ndaj saj. Nuk është hera e parë që Kosova i vë sanksione Federatës Ruse”, kishte thënë Kurti para kabinetit qeveritar.

Po ashtu, ai kishte bërë me dije se kjo nuk është hera e parë që Kosova i vë sanksione Rusisë.

Shija e redaktorit

Ballkani me fitore historike, një hap larg kualifikimit në Ligën...

Ballkani ka fituar ndeshjen ndaj Shkupit në kuadër të play-offit të Ligës së Konferëncës në Stadiumin “Todor Proeski” në kryeqytetin e Maqedonisë së Veriut. Ekipi...

KB Prishtina bëhet pjesë e garës më të re të...

Kryetari i Klubit të Basketbollit Prishtina, Blerand Stavileci ka bërë të ditur se klubi i tij ka marrë ftesën për pjesëmarrje në garën më...

DokuFesti me turistët e huaj, infuzion për ekonominë e Prizrenit

Dhjetëra e mijëra vizitorë vendorë e ndërkombëtarë kanë shkelur rrugëve të qytetit të Prizrenit gjatë javës së fundit. Shkaku i këtij fluksi turistësh në kryeqytetin historik...

Më të lexuarat

“Kemi pritur mjaft, është koha për paqe” thonë qytetarët në...

Grafitet e vendosura dhe patrullat e Policisë, janë pamjet që po e shoqërojnë Mitrovicën Veriore gjatë së enjtes së 18 gushtit. Të heshtur por në...

Escobar pas takimit me Kurtin: Asociacioni duhet të formohet sipas...

I dërguari i Shteteve të Bashkuara të Amerikës për Ballkanin Perëndimor, Gabriel Escobar, pas takimit me kryeministrin e Kosovës Albin Kurti, ka thënë se...

Mandl kërkon sqarim nga BE-ja për referimin ndaj kryeministrit Kurti...

Në njoftimin e faqes zyrtare të Bashkimit Evropian(BE) për takimin që u mbajt të enjten e 18 gushtit në kuadër të dialogut Kosovë-Serbi, është...

Të fundit nga rubrika