Kryetari Partisë Demokratike të Kosovës, Memli Krasniqi, ka reaguar duke thënë se në kryesin e forumit rinor të kësaj Partieje, është respektuar përfaqësimi 50 për qind gjini mashkullore dhe 50 për qind gjini femërore.
“Në mbledhjen e Këshillit Drejtues të Rinisë Demokratike të Kosovës, është zgjedhur Kryesia e re e RDK-së prej 24 anëtarësh, në përputhje me vendimin tonë për barazi gjinore 50/50”, ka shkruar Krasniqi në Facebook.
Më tej ai ka folur për rolin që rinia e ka pasur për PDK-në në historinë e saj politike.
“Për PDK-në, roli dhe kontributi i rinisë në avancimin e shoqërisë historikisht ka qenë jetik. Prandaj, edhe këtë herë, besimi, hapësira dhe mundësia për punë e përgjegjësi nuk do t’u mungojë”, ka theksuar Krasniqi.
“Tani, Kryetarja e RDK-së, Arbnora Salihu, së bashku me një ekip të kompletuar, do të sigurohen që të rinjtë dhe të rejat në komunitetet e tyre të kenë mundësi reale për ndryshime pozitive”, ka shtuar ai.
Krasniqi ka përfunduar duke iu i uruar të rinjtë e PDK-së dhe duke iu thënë se mendimi i tyre do të dëgjohet “Suksese, ti ke zë”.