Kryetari i Partisë Demokratike të Kosovës (PDK), Memli Krasniqi, ka marrë pjesë në Kuvendin Zgjedhor të konstituimit të Degës së PDK-së në Belgjikë, të mbajtur në Bruksel, ku kryetar u zgjodh aktivisti Jetlir Llugani.
Krasniqi ka thënë se rritja e PDK-së në mërgatë nuk është e rastësishme.
“Ky është fryt i angazhimit tonë të përbashkët në secilin shtet ku jetojnë qytetarët tanë. Është pasqyrim i mbështetjes së parezervë për njëri-tjetrin në çdo përpjekje që synon ngritjen dhe përparimin e Kosovës”, ka thënë Krasniqi.
I pari i kësaj partie i ka falënderuar të gjithë mërgimtarët për mbështetjen dhe besimin në vizionin e PDK-së për të ardhmen e Kosovës.