Kryetari i Partisë Demokratike të Kosovës, Memli Krasniqi, gjatë së martës së 3 tetorit ka pritur në takim shefin e Misionit të Fondit Monetar Ndërkombëtar në Kosovë, Gabiel Di Bella dhe ekipin e tij.
Ata kanë diskutuar rreth situatës ekonomike dhe sfidat me të cilat po ballafaqohet Kosova.
“Mysafirëve u shpreha qëndrimin se mungesa e komunikimit me sektorin privat, ambienti i pasigurtë për investime, qasja problematike ndaj ekonomisë së tregut të lirë, ndryshimi i strukturës së buxhetit në dëm të shpenzimeve kapitale, janë vetëm disa nga veprimet e kësaj qeverie të cilat po e dëmtojnë perspektivën zhvillimore të vendit” ka shkruar Krasniqi në rrjetin social Facebook.
Krasniqi ka thënë se e ka falenderuar Di Bellën për vizitën, duke shprehur bashkëpunimin e plotë të PDK-së në favor të proceseve të rëndësishme për stabilitetin ekonomik dhe fiskal të shtetit.