Kurti: Integrimi i Ballkanit në BE dhe NATO – i domosdoshëm për paqe dhe stabilitet

Kryeministri i Kosovës, Albin Kurti, ka thënë se integrimi i Ballkanit Perëndimor në Bashkim Evropian dhe në Organizatën e Traktatit të Atlantikut të Veriut (NATO), është i domosdoshëm për paqen dhe stabilitetin e rajonit.

Ai, përmes një postimi në Facebook, teksa i ka përmbledhur të gjitha takimet e zhvilluara në Delfi të Greqisë në kuadër të Forumit Ekonomik, ka thënë se temë kryesore e këtyre takimeve ishin siguria në Evropë pas agresionit rus në Ukrainë dhe intensifikimi i bashkëpunimit ndërmjet vendeve të BP-së.

“Biseduam për situatën në Ukrainë dhe për solidarizimin e mbështetjen për luftën çlirimtare të popullit ukrainas. Theksova që duhet të jemi syhapur karshi lidhjeve të thella të Federatës Ruse dhe Serbisë dhe rrezikun që paraqesin për destabilizimin e rajonit. Për paqen dhe stabilitetin afatgjatë është i domosdoshëm integrimi sa më i shpejtë dhe i plotë i Ballkanit Perëndimor në strukturat e Bashkimit Evropian dhe të NATO-s”, ka shkruar Kurti.

Në ditën e parë të Forumit, kryeministri Kurti është takuar me anëtarin e presidencës së Bosnjë dhe Hercegovinës, Shefki Xhaferoviq, me të cilin siç theksoi Kurti ka biseduar mbi mundësitë e forcimit dhe përparimit të bashkëpunimit ndërmjet dy vendeve, përkundër pengesave politike.

Po ashtu, Kurti në po të njëjtën ditë është takuar edhe me kryeshefin Ekzekutiv të Forumit Ndërkombëtar të Fondeve Sovrane të Pasurisë (IFSWF), Duncan Bonfield.

“Diskutuam për Fondin Sovran të Republikës së Kosovës dhe mënyrat se si IFSWF mund të na ndihmojë me dijen dhe përvojën e tyre”, shtoi Kurti.

Ndërkohë, kryeministri është takuar edhe me Përfaqësuesin Special të Bashkimit Evropian për Dialogun Kosovë-Serbi, Miroslav Lajçak, dhe Zëvendësndihmës Sekretari Amerikan i Shtetit për Çështje të Evropës dhe Euroazisë, njëherit i dërguar i posaçëm i Shteteve të Bashkuara të Amerikës për Ballkanin Perëndimor, Gabriel Escobar.

“Në ditën e dytë takova Lajçak, me të cilin biseduam për mbarëvajtjen e procesit të dialogut dhe hapat e ardhshëm në këtë proces, kurse Escobar ma rikonfirmoi në takim mbështetjen e ShBA-së për Kosovën, sovranitetin e integritetin e saj territorial dhe për aspiratat për integrime evropiane dhe euroatlantike”.

Ndryshe, në takimet e ndara me kryeministrin e Maqedonisë së Veriut, Dimitar Kovaçevski, kryeministrin e Bullgarisë, Kiril Petkov dhe me ministrin e Punëve të Jashtme të Greqisë, Nikos Dendias, Kurti ka diskutuar për avancimin e marrëdhënieve bilaterale dhe thellimin e bashkëpunimit ekonomik e tregtar mes vendeve tona.

Në këtë forum, të pranishëm ishin edhe zëvendëskryeministrja, njëherësh ministre e Punëve të Jashtme e Diasporës, Donika Gërvalla, zëvendësministri i Punëve të Jashtme dhe Diasporës, Kreshnik Ahmeti, zëvendësministrja e Punëve të Jashtme dhe Diasporës, Liza Gashi dhe udhëheqësi i Zyres së Interesave të Kosovës në Athinë, Fitim Gllareva.

 

Shija e redaktorit

INTERVISTË me Marin Memën: Kemi nevojë të duam më shumë...

Cilki i dokumentarëve, 'Gjurmë Shqiptare' me autorin Marin Mema, në Top Channel Albania përfshin një audiencë të të gjitha moshave. Në 'Gjurmë Shqiptare' trajtohen tema...

Këngët për nder të gjeniut Andy Warhol

Data e 6-gushtit shënon lindjen e një pop artisti si Andrew Warhol, arti i tij i  mrekullueshëm dhe idetë revolucionare të Warhol ishin padyshim...

“Film n’park”, tradita që i rikthehet Prishtinës

Në zemrën e gjelbërt të kryeqytetit, në mesin e dritave, miqve dhe muzikës, është vendi ku “Film n’park” shënon një rikthim pas kufizimeve nga...

Më të lexuarat

Të shtëna me armë në Cetinë, më shumë se dhjetë...

Të premten e 12 gushtit në Cetinë të Malit të Zi, një 34-vjeçar ka qëlluar me armë në drejtim të disa personave dhe më...

Një person largohet nga një restorant në Pejë pa paguar...

Një person mashkull shihet duke ngrënë mengjes, dhe menjëherë pas përfundimit ai shihet duke u larguar pa komunikuar me ndonjë kamerier nga restoranti. Pamjet e...

As për 35 vjet qytetarët me rrogë mesatare nuk mund...

Paga mestare në Kosovë sipas Agjencisë së Statistikave të Kosovës (ASK) është 380 euro në sektorin privat, ndërsa ajo e sektorit publik është më...

Të fundit nga rubrika