Kryeministri i Republikës së Kosovës, Albin Kurti, bashkë me zëvendëskryeministrin e parë për Integrim Evropian, Zhvillim dhe Dialog, Besnik Bislimi, pritën në takim Përfaqësuesin e Posaçëm të Bashkimit Evropian për Dialogun Kosovë-Serbi, Miroslav Lajçak.
Zyra e Kryemnistrit ka njoftuar se gjatë takimit u potencua vullneti dhe gatishmëria që tashmë e ka treguar Republika e Kosovës, për t’u angazhuar në një dialog parimor e të balancuar, nga i cili përfitojnë qytetarët e të dyja vendeve.
Kryeministri Kurti ka ritheksuar se qëllimi i dialogut duhet të jetë arritja e një marrëveshjeje ligjërisht të obligueshme me njohjen reciproke në qendër.
Në takim, u bisedua edhe për vazhdimin e procesit të bisedimeve në Bruksel dhe për përgatitjet e takimeve të radhës, në kuadër të dialogut për normalizimin e plotë të marrëdhënieve ndërmjet Kosovës dhe Serbisë.
Kryeministri Kurti dhe zëvendëskryeministri Bislimi, falënderuan z. Lajçak për angazhimin e tij të vazhdueshëm në këtë proces.
Ndërsa, Përfaqësuesi i Posaçëm i Bashkimit Evropian për Dialogun Kosovë-Serbi, Miroslav Lajçak, pas takimit me Kurtin deklaroi “Isha në Prishtinë sot për t’i vazhduar bisedimet me kryeministrin Kurti, për normalizimin e marrëdhënieve ndërmjet Kosovës dhe Serbisë”.
Më tej, ai ka treguar se cilat tema i ka diskutuar me zëvendëskryeministrin e parë për Integrim Evropian, Zhvillim dhe Dialog, Besnik Bislimi.
“Gjithashtu kisha takim edhe me zëvendëskryeministrin e parë të Kosovës, Bislimi, për çështjen e veturave dhe lirisë së lëvizjes, për personat e zhdukur dhe për energjinë”.
In Pristina today, I continued last week’s conversation with PM @albinkurti on the way forward in the normalisation of relations with Serbia. I also used the opportunity to discuss current issues with First Deputy PM @BislimiBesnik, in particular freedom of movement and energy. pic.twitter.com/futWO6T4MT
— Miroslav Lajčák (@MiroslavLajcak) September 15, 2022
Perfundon takimi në mes të Kurtit dhe Lajçak-ut, diskutohet për të pagjeturit dhe targat