Kurti takon ministren Fajon: Biseduam për hapat drejt normalizimit të plotë të marrëdhënieve Kosovë-Serbi

Kryeministri i Kosovës, Albin Kurti, të dielën e 15 janarit, ka takuar zëvendëskryeministren e Sllovenisë, njëherësh ministre për Punë të Jashtme të Sllovenisë, Tanja Fajon.

Sipas njoftimit të zyrës së kryeministrit, thuhet se gjatë këtij takimi është diskutuar për hapat drejt normalizimit të plotë të marrëdhënieve në mes të Kosovës dhe Serbisë.

Pos kësaj, në takim është diskutuar edhe për perspektivën evropiane të rajonit dhe rëndësinë e Procesit të Berlinit.

“U bisedua për perspektivën evropiane të rajonit, rëndësinë e Procesit të Berlinit, rreth hapave të ardhshëm drejt normalizimit të plotë të marrëdhënieve mes Republikës së Kosovës dhe Serbisë me njohjen reciproke në qendër, dhe për çështje të tjera aktuale”, thuhet në njoftim.

Po ashtu, në takim është theksuar miqësia, partneriteti dhe aleanca ndërmjet Republikës së Kosovës dhe Republikës së Sllovenisë, si dhe të njëjtat vlera dhe pikëpamje për paqen dhe sigurinë në rajon dhe më gjerë.

Kryeministri Kurti shprehu mirënjohje për kontributin e Sllovenisë para dhe pas luftës në Kosovë, si dhe përkrahjen e vazhdueshme për Republikën e Kosovës.

Në kuadër të vizitës së saj, Fajon është takuar edhe me presidenten Vjosa Osmani.

Ajo pas takimit me zëvendëskryeministren dhe ministren e Punëve të Jashtme të Sllovenisë, Tanja Fajon, tha se “Sllovenia mbetet një nga aleatet më të rëndësishme të popullit të Kosovës”.

Osmani tha se me Fajon kanë diskutuar për mundësitë e bashkëpunimit ndërshtetëror.

“Sot, bashkë me zëvendëskryeministren dhe ministren e Punëve të Jashtme të Sllovenisë, znj. Tanja Fajon, diskutuam për thellimin e bashkëpunimit ndërshtetëror si dhe përpjekjet tona të përbashkëta për paqe dhe stabilitet në Ballkanin Perëndimor”, ka thënë ajo.

Fajon gjatë ditës u takua me ministren e Punëve të Jashtme të Kosovës, Donika Gërvalla.

Shija e redaktorit

Trupat e FSK-së arrijnë në Adana, priten me duartrokitje nga...

Kontingjenti i parë i FSK-së në operacionin e kërkim-shpëtimit në zonat e prekura nga tërmeti në Turqi, tashmë ka arritur në Adana. Fondacioni SETA në...

Distria Krasniqi fiton medaljen e artë në garën më prestigjioze...

Xhudistja nga Kosova, Distria Krasniqi ka fituar medaljen e artë në turneun "Grand Slamin", i cili po mbahet në Paris të Francës. Distria nuk ndalon...

Albina Kelmendi dhe familja do të performojnë në natën e...

Shqipëria e cila këtë vit prezantohet nga Albina Kelmendi me familje me këngën “Duje”, do të performojnë në natën e dytë gjysmëfinale, më 11...

Më të lexuarat

Avokati i Fatmir Limajt me ultimatum për analistin Hoxha, për...

Analisti i emisionit Debat Plus në RTV Dukagjinin, Dibran Hoxha, i ka publikuar disa mesazhe që i ka marrë në rrjetin e tij social...

Takimi miqësor i dy ikonave të xhudos

Dy ikona të xhudos, Majlinda Kelmendi dhe Teddy Riner, kanë pasur një takim të shkurtë miqësor gjatë Grand Slamit, në Paris. Xhudistja Kelmendi tashmë është...

Vdes vajza që ishte duke u trajtuar në QKUK, policia...

Policia e Kosovës ka nisur hetimet për një rast të vdekjes që ka ndodhur në Qendrën Klinike Universitare të Kosovës (QKUK). Policinë e ka lajmëruar...

Të fundit nga rubrika