Tenori shqiptar i njohur ndërkombëtarisht, Ramë Lahaj, ka publikuar një video ku shihet duke kënduar këngë shqipe në një shesh të Francës.
Bashkë me të janë dy muzikantë shqiptarë të cilët e përcillnin me instrumente derisa ai këndonte.
“Për më shumë se një muaj provash të gjata e të lodhshme të produksionit të ri të Tosca-s këtu në Nancy të Francës, sot shpirti më gjeti qetësinë kur mbas një dite të ngarkuar me të dalë nga Teatri gjej dy muzikant shqiptarë që po luanin muzikën e bukur Shqipe e unë si amator i saj, patjeter që u ula të shuaj mall bashkë me ata… Zoti u bekoftë kudo që jeni miq, e paçi një fundjavë të lumtun me ma të dashtunit tuaj”, ka shkruar Lahaj në Facebook.
Në videon e postuar, Lahaj këndon këngën e vjetër popullore shqipe “S’paske pasë një pikë mëshire”.
Më poshtë e gjeni videon e plotë të postuar nga Ramë Lahaj.