Përfaqësuesi i Posaçëm i Bashkimit Evropian për Dialogun Kosovë-Serbi, Miroslav Lajçak, ka mbërritur në ambientet e Qeverisë së Kosovës, ku do të takohet me kryeministrin Albin Kurti.
Një ditë më parë, Lajçak ishte për vizitë në Serbi, ku u takua me presidentin e këtij shteti, Aleksandër Vuçiq.
I dërguari i BE-së, ditë më parë, kishte bërë të ditur se takimet do të zhvillohen për t’u siguruar se marrëveshja e targave do të respektohet nga të dyja palët.
Po ashtu, temë diskutimi është edhe normalizimi i plotë i marrdhënieve në mes të dy shteteve.
Vuçiq, pas takimit me Lajçak, ka deklaruar se nga ai ka kërkuar të themelohet Asociacioni i Komunave me Shumicë Serbe.