I dërguari i posaçëm i Bashkimit Evropian për dialogun Kosovë-Serbi, Miroslav Lajçak, do të takohet sot, më 14 nëntor, me presidentin e Serbisë, Aleksandër Vuçiq.
Siç thuhet në njoftimin e Presidencës serbe, takimi do të mbahet në orën 11:00 në ndërtesën e Sekretariatit të Përgjithshëm të Presidentit të Republikës në Beograd.
Më 7 nëntor, Lajçak e vizitoi Kosovën, ku u takua me zëvendëskryeministrin e parë të Kosovës, Besnik Bislimi, si dhe me liderët e partive opozitare për të biseduar për draft-statutin e Asociacionit të Komunave me shumicë serbe, shkruan RTK.
Ndryshe, Lajçak pati vizitë në Kosovë javën e kaluar ku u takua me zëvendëskryeministrin Besnik Bislimin dhe liderët opozitarë.
Ndërsa, kryenegociatorët e Prishtinës dhe Beogradit pritet të takohen këtë të enjte në Bruksel.