Lektyra “Lepurushi prej pushi”, e cila gjendet në librarinë “Dukagjini”, është lektyrë në të cilën rrëfehet historia e një lepurushi-lodër, i cili dëshiron të bëhet i vërtetë përmes dashurisë së fëmijëve.
Kjo lektyrë është shkruar nga Margery Williams dhe shqipëruar nga Orjela Stafasani.
Ky libër u jep shumë dashuri fëmijëve dhe përmban aparaturën didaktike, fjalorthin dhe ilustrime origjinale.
Vlen të theksohet, se përralla “Lepurushi prej pushi” vë në pah rëndësinë e disa atributeve njerëzore, të cilat nuk janë të dukshme nga jashtë, por kanë vlerë të paçmuar nga brenda e që janë: dashuria, kujdesi, këshillat, brengosja dhe ndjesi e virtyte të tjera.
“Lepurushi prej pushi”, hyn në radhën e lektyrave shkollore për klasën e parë dhe të dytë, të sjellë nga Shtëpia botuese “Dukagjini”, që përveç ilustrimeve magjike që nxisin imagjinatën e fëmijëve, janë të pajisura me aparaturën didaktike dhe fjalorthin e çdo lektyre.