Kryetari i Nismës Socialdemokrate, Fatmir Limaj e ka kritikuar Qeverinë e Kosovës, në lidhje me kontratat e shumta njëburimore.
Ai në “Debat Plus”, tha se kontratat njëburimore në Korporatën Energjetike të Kosovës (KEK), në Ministrinë e Arsimit, të Kulturës e Financave janë të paligjshme.
Sipas Limajt “kontratat njëburimore janë potenciali më i madh i hajnisë dhe korrupsionit, nëse nuk ka arsyetim të qartë e fakte”.
“Në KEK janë komplet antiligjore, është Shkelje e ligjit, cka duhet ministria e Arsimit me pas kontratë njëburimore, pse MSH-ja. Kur ka raste emergjente për shkak të emergjencave, fatkeqësive si ishte pandemia. Kjo lejohet, por votohet për shmangje nga neni I prokurorimit, me pas një procedurë të shkurtër me kontratë njëburimore. Kjo është dukuri, me I mbyllë aferat. Mos me u ditë çfarë po bëhet”, tha ai.
Ai tha se 12 kontrata njëburimore nga Kuvendi i Kosovës janë të panevojshme dhe të kundërligjshme.
Kontratat njëburimore në Qeverinë aktuale janë shndërruar në dukuri sipas Limajt.