Luka Modric ka marrë pjesë në dy ndeshjet e fundit të Kroacisë në Kupën e Botës, duke e ditur se mund të jenë të fundit për të.
Mesfushori i Real Madrid pranon se finalistët e 2018-ës tani do të duhet të arrijnë rezultatin e tyre më të madh ndonjëherë, për të vazhduar rrugëtimin e tij. Kroacia përballet me Brazilin pasi ka kaluar në çerekfinale me një barazim pa gola kundër Belgjikës dhe një fitore në penallti ndaj Japonisë, raporton MARCA.
Skuadra e plakur e Zlatko Dalic duket se është në hapat e fundit – por 37-vjeçari Modric këmbënguli “Ndeshja jonë më e mirë e Kupës së Botës mund të jetë ende përpara nesh. Ne kemi bërë një gjë të madhe, duke arritur në çerekfinale – por ne duam edhe më shumë|”.
“Brazili është gjithmonë një nga favoritët e mëdhenj në çdo Botëror, por ajo që kanë treguar në këtë turne është se këtë herë e meritojnë të jenë favorit. Ne jemi përballur me Brazilin më parë në disa raste dhe nuk kemi fituar. Besojmë se kjo mund të ndryshojë”.
“Ne do të duhet të luajmë me një ritëm të lartë, t’i mbajmë nën kontroll, të jemi të fortë dhe të sigurt dhe të mos i lëmë jashtë syve. Siç them unë, Brazili është favorit – por ne kemi parë që edhe favoritët mund të mposhten”, ka thënë ai.