Panairit të Librit në Prishtinë është rikthyer pas tre vitesh për shkak të pandemisë
“Për ne që në ditën e parë kur filloi në orën 12:00 që aty e shënuam si sukses faktin që pas tre vjetësh kthehemi me sukses”, ka thënë kryetari i Shoqatës së Botuesve, Edon Zeneli.
Sipas Zenelit, entuziazmi i rikthimit me edicionin e 22-të vështë vërejtur ende para hapjes.
Mesditën e së shtunës së 18 qershorit janë ndarë çmimet e edicionit të sivjetmë.
Shkumbin Gashi ka marrë “Çmimin për shkrimtarin më të mirë të letërsisë shqipe”, e Claude Arnaud ka marrë “Çmimin e shkrimtarit më të mirë të huaj.
“Çmimin për letërsinë për fëmijë, tregime”, e ka marrë Drita Ruhani për veprën “Në koma”. Ndërsa, “Çmimin për letërsinë për fëmijë në roman” e ka marrë Fatmir Gjestila me veprën “Briri i artë shndërrues”.
Rreth 2000 tituj të rinj e mbi 100 shtëpi botuese nga Kosova, Shqipëria, Maqedonia e Veriut dhe Mali i Zi për gjashtë ditë kanë qenë në dispozicion të lexuesve në Pallatin e Rinisë dhe Sportit në Prishtinë.