Më shumë se 50 njerëz u vranë në dy aksidente, të lidhura me udhëtimet në Pakistan të dielën.
Të paktën 41 persona humbën jetën kur një autobus ra në një luginë dhe mori flakë në jug-perëndim, përplasja ndodhi pranë qytetit jugor Bela, në provincën Balochistan, kur po udhëtonte për në qytetin port të Karaçit, shkruan BBC.
Zyrtari lokal, Hamza Anjum, i tha agjencisë së lajmeve AFP se 40 trupa u gjetën së bashku me tre të plagosur, njëri prej të cilëve vdiq pak më vonë. Dy të mbijetuarit ishin në gjendje “të rëndë”.
Ndërsa, në veriperëndim të paktën 10 fëmijë u mbytën në një aksident me varkë.
Varka u përmbys në Tanda Dam, një liqen afër Kohat në Khyber Pakhtunkhwa, afër kufirit me Afganistanin.
Zyrtari i policisë lokale, Mir Rauf, i tha AFP se përveç 10 që vdiqën, 11 fëmijë ishin shpëtuar, me gjashtë në gjendje kritike. Nëntë të tjerë besohet se janë të zhdukur.
Të gjithë të vdekurit deri më tani në liqen ishin të moshës nga shtatë deri në 14 vjeç.