Këtë të premte në Nyon të Zvicrës është bërë hedhja e shortit për ndeshjet çerekfinale të Ligës së Kampionëve.
Hedhja e shortit ka filluar nga ora 13:00 dhe tashmë ekipet i kanë mësuar ekipet kundërshtare.
Manchester City, Real Madridi, Barcelona, Arsenali, Bayern Munichu, Paris Saint-Germain, Borussia Dortmundi dhe Atletico Madridi janë tetë skuadrat të cilat ishin në short.
Shorti ka caktuar katër ndeshje, por kryesorja e kësaj faze është ndeshja Real Madrid – Manchester City, e cila njëherësh do të thotë fjalën e fundit në çerekfinale.
Por, edhe ndeshjet tjera Arsenal – Bayern Munich dhe Paris Saint – Germain – Barcelona do të jenë shumë të forta.
Ndeshja e një niveli më të ulët është ajo mes Atletico Madrid – Borussia Dortmund.
Çiftet çerekfinale të Ligës së Kampionëve janë këto:
Arsenal – Bayern Munich
Atletico Madrid – Borussia Dortmund
Real Madrid – Man City
Paris Saint-Germain – Barcelona. /Telegrafi