Milani dhe Juventusi prezantojnë fanellat e treta për sezonin 2023/24

Dy klubet italiane, Milani dhe Juventusi, kanë prezantuar sot (e enjte) fanellat e tyre të treta për edicionin e sivjetmë 2023/24

Pas fanellave të para dhe të dyta, Rossonerët dhe Bianconerët kanë zbuluar edhe fanellat e treta për tifozët e tyre.

Ato tashmë janë të disponueshme për blerje në faqet zyrtare të klubeve, por edhe në dyqanet zyrtare të tyre dhe të kompanive prodhuese.

“Gjithmonë e re. Gjithmonë Milan. Ngjyra ndryshe, përgjithmonë Milan”, thuhet në postimin e Rossonerëve.

Fanella e tretë e Milanit është e dominuar nga ngjyra vjollcë dhe blu, ndërsa ekipi do të debutojë në fundjavën e 24 shtatorit në një përballje të Serie ndaj Hellas Verona në San Siro.

“Frymëzuar nga qyteti i Torinos. Ndërtuar për betejat tona më të mëdha”, ka shkruar Juventusi në postimin e tyre.

 

Fanella e tretë e Juventusit është e dominuar nga ngjyra e zezë dhe do të debutojë këtë fundjavë në ndeshjen e parë të Serie A të sezonit kundër Udineses.

Shija e redaktorit

Shefja e katalunasve në Parlamentin e Spanjës: S’do të ndalemi...

Partia katalunase “Junts per Catalunya” kanë marrë një iniciativë në Parlamentin e Spanjës për t’i kërkuar Qeverisë së Spanjës njohjen e pavarësisë së Kosovës...

Mark Rutte do të jetë në krye të NATO-s

Mark Rutte do të jetë sekretari i ardhshëm i Përgjithshëm i NATO-s, pasi të 32 anëtarët e aleancës ranë dakord që kryeministri holandez në...

Nëna e Leotrimit: Djali im paska qenë i krejt Kosovës

Gjatë së martës, më 18 qershor, që shënonin 25-vjetorin e Ditës së Çlirimit të Skenderajt, është përuruar shtatorja Leotrim Ahmetit, 7-vjeçarit të vrarë gjatë...

Të fundit nga rubrika