Ministri Latifi kritikohet për mungesë të barnave

Ministri i Shëndetësisë, Rifat Latifi, është kritikuar për mungesë të barnave, duke i detyruar pacientët që t’i blejnë vetë ato.

Ai bashkë me zëvendësministren Dafina Gexha dhe drejtorin e Shërbimit Spitalor Universitar të Kosovës (SHSKUK), Valbon Krasniqi, të martën e 29 marsit ka raportuar në Komisionin për Mbikëqyrje Financiare të Kuvendit të Kosovës.

Deputetja e Lidhjes Demokratike të Kosovës (LDK), Hykmete Bajrami, ka thënë se gjatë pandemisë, institucionet shëndetësore janë përballur me mungesë të barnave.

“Gjetjet e auditorit nuk janë edhe aq të mira. Kemi vërejtur se gjatë gjithë kohës së pandemisë institucionet që kanë trajtuar pacientët më COVID-19, janë përballur me mungesë të barnave. Gjetje jo e pranueshme ose që është me sekuenca negative është që pacientët që janë trajtuar në spitale është dashur të blejnë barna nga lista esenciale. Institucionet tona është dashur t’i sigurojnë barna pacientëve”, tha Bajrami.

Sipas ministrit Latifi, sa i përket pandemisë COVID-19, ka theksuar se bota nuk ka qenë e përgatitur.

Përveç kësaj, ai është ankuar për mungesë të stafit.

“Nuk kemi qenë të përgatitur, për disa javë të tjera kemi qenë shumë të papërgatitur. Nuk kemi infermierë sa duhet. Nuk kemi anesteziologë. Të gjithë mjekët, laborantët e të tjerët, kanë bërë punë heroike. Është më rëndësi që ne po e auditojmë vetveten sepse duhet bërë analizë”, ka thënë ai.

Ndryshe, ministri Latifi, të martën e 29 marsit ka mbajtur edhe një takim me partnerët që kontribuojnë në sektorin e shëndetësisë në Kosovë.

Ai gjatë këtij takimi ka diskutuar lidhur me planet e misnitrisë për transformimin e sektorit shëndetësor, ku edhe ka shprehur nevojën për formimin e një qendre për trajtimin e  traumave si dhe djegieve.

Ndryshe, Latifi, më 26 nëntor të vitit 2021 kishte marrë detyrën e misnitrit të shëndetësisë.

Në konferencën e tij të parë si ministër, kishte premtuar se vetë ai dhe ekipi i tij do të angazhohen në ngritjen e standardeve mjekësore, përmes edukimit dhe trajnimeve të të gjithë punëtorëve shëndetësor.

Pas marrjes së këtij posti, Latifi kishte ripërsëritur disa herë që me kthimin e tij nga Shtetet e Bashkuara të Amerikës, ai synon që ta kthejë “trurin shkencor”, të larguar nga Kosova, që nënkuptonte kthimin e mjekëve dhe profesionistëve të tjerë shëndetësorë në vend, por që deri më tani nuk ka ofruar asnjë dëshmi se ka bërë diçka në këtë drejtim.

“Kthimi i trurit mjekësor tash për tash është koncept në mendjen time detajet e të cilave do t’i njihni derisa ne i përcaktojmë saktësisht”.

“Fakti se unë kam ardhur këtu nga një rehati në jetën amerikane dhe një pune shumë të mirë është sinjal i fuqishëm që edhe të tjerët të na bashkangjiten në kthimin në Kosovë”.

Ndërkaq, ai në vitin 2009, ishte emëruar këshilltar për shëndetësi nga kryeministri i atëhershëm Hashim Thaçi.

Shija e redaktorit

INTERVISTË me Marin Memën: Kemi nevojë të duam më shumë...

Cilki i dokumentarëve, 'Gjurmë Shqiptare' me autorin Marin Mema, në Top Channel Albania përfshin një audiencë të të gjitha moshave. Në 'Gjurmë Shqiptare' trajtohen tema...

Këngët për nder të gjeniut Andy Warhol

Data e 6-gushtit shënon lindjen e një pop artisti si Andrew Warhol, arti i tij i  mrekullueshëm dhe idetë revolucionare të Warhol ishin padyshim...

“Film n’park”, tradita që i rikthehet Prishtinës

Në zemrën e gjelbërt të kryeqytetit, në mesin e dritave, miqve dhe muzikës, është vendi ku “Film n’park” shënon një rikthim pas kufizimeve nga...

Më të lexuarat

Pasi u qëllua me armë, vdes ish-kryeministri japonez, Shinzo Abe

Ish-kryeministri japonez, Shinzo Abe, ka vdekur pasi është qëlluar me armë të premten, përgjatë fushatës për zgjedhjet parlamentare. Abe, 67-vjeçar, i cili njëherësh mbetet kryeministri...

Të shtëna me armë në Cetinë, më shumë se dhjetë...

Të premten e 12 gushtit në Cetinë të Malit të Zi, një 34-vjeçar ka qëlluar me armë në drejtim të disa personave dhe më...

As për 35 vjet qytetarët me rrogë mesatare nuk mund...

Paga mestare në Kosovë sipas Agjencisë së Statistikave të Kosovës (ASK) është 380 euro në sektorin privat, ndërsa ajo e sektorit publik është më...

Të fundit nga rubrika