Ministri i Bujqësisë, Pylltarisë dhe Zhvillimit Rural, Faton Peci, gjatë ditës së premte ka takuar përfaqësuesin e Programit të Kombeve të Bashkuara për Zhvillim në Kosovë (UNDP), Nuno Querios.
Në këtë takim është diskutuar për bashkëpunim në mes të ministrisë që udhëheq Peci dhe UNDP-së për Kosovën, për të nxitur rritjen ekonomike dhe adresimin e nevojave aktuale në Kosovë.
“Takimi i shkëlqyer me Faton Peci, Ministër i Bujqësisë, Pylltarisë dhe Zhvillimit Rural për bashkëpunimin e përbashkët në smart tech, sigurinë ushqimore, zinxhirët e vlerave dhe punët e gjelbra për të nxitur rritjen ekonomike dhe adresimin e nevojave aktuale zhvillimore në Kosovë”, thuhet në njoftim.