Ministria e Punëve të Brendshme përmes një njoftimi në “Facebook” ka bërë të ditur se vetëm gjatë muajit korrik janë konfiskuar 46 armë.
E kjo statistikë e ndarë është për incidentet e të shtënave me armë gjatë ahengjeve.
Gjatë muajit korrik 2024, sipas njoftimit, lidhur me incidentet e të shtënave me armë në ahengje, Policia e Kosovës ka pranuar 53 raportime nga qytetarët, ka hapur 55 raste, ka konfiskuar 46 armë, ka konfiskuar 472 municione, ka arrestuar 42 persona dhe raporton se 1 person është plagosur.
“Bashkëpunimi është thelbësor në parandalimin e tragjedive që mund të shkaktohen nga gjuajtjet me armë zjarri,” thuhet në njoftim.